"Реал" ўз юлдузига ўта баланд нарх қўйди

Ёзда хавбек Орельен Тчуамени «Реал Мадрид»ни тарк этиши мумкин. TEAMtalk нашрининг ёзишича, футболчи Жозе Моуриньо қўл остида унга асосий таркибда доимий ўрин кафолатланмаслигини тушуниб етган.

Манбаларга кўра, Тчуаменига энг жиддий қизиқиш билдираётган жамоалар — Англиянинг «Манчестер Юнайтед» ва «Ливерпуль» клублари. Шу билан бирга, унинг атрофидаги вазиятни «Арсенал» ва «Челси» ҳам кузатиб бормоқда. Бироқ франциялик футболчининг Лондон клубларидан бирига ўтиши эҳтимоли анча паст баҳоланмоқда.

Хабар қилинишича, «Реал» Тчуамени билан хайрлашиш вариантларини кўриб чиқишга тайёр. Мадрид клуби уни тахминан 100 миллион евро атрофидаги миқдорга сотишни режалаштирмоқда. Испанияликлар бу трансфердан тушадиган маблағ Моуриньо бошлаган жамоани қайта қуриш жараёнини молиялаштиришга ёрдам беради, деб ҳисобламоқда.