“Real” og‘ir jarohatga uchragan “yulduzcha” bo‘yicha muhim qarorga keldi

“Real” markaziy himoyachisi Xoan Martines endi mahoratini namoyish qila boshlagan pallada og‘ir jarohatga yo‘liqdi.

Madridliklar bosh murabbiyi 17 yoshli iste’dod egasini asosiy tarkib mashg‘ulotlari va o‘yinlariga jalb qilishni rejalashtirayotgan edi.

Biroq Xoan Martines endi kelasi yilning fevral oyiga qadar maydonga tusholmaydi. Yosh futbolchining tizzasidan olgan jarohati kutilganidan jiddiy bo‘lib chiqdi.

Marca nashrining yozishicha, “Qirollik klubi” mutasaddilari yosh o‘yinchiga ishonishda davom etadi. Unga oyoqqa turganidan keyin asosiy tarkibdan joy ajratilishini kafolatlashdi.

Endi Martines klubdan yangi shartnoma oladi. Uning avvalgi bitimi 2026 yilning yarmigacha tuzilgan edi.