"Реал" "Олтин тўп" соҳибига ультиматум қўйди

Ярим ҳимоячи Лука Модричнинг "Реал" билан амалдаги шартномаси мавсум охирида якунига етади. Мадридликлар 37 ёшли футболчига янги меҳнат шартномасини таклиф қилишга тайёр.

Бироқ "қаймоқранглилар" футболчига шарт қўйди - Модрич шу йилнинг июнь ойида Миллатлар лигасидан кейин Хорватия термасидаги фаолиятини якунлаши керак. Шундагина футболчи Мадридда қолиши мумкин. Бу ҳақда "Sportske News" нашри хабар берди.

Аввалроқ матбуотда Лука Модрич Хорватия терма жамоасида "Евро-2024"да ўйнашни режалаштираётгани ҳақида хабарлар тарқалганди.

Маълумот учун, 2018 йилги "Олтин тўп" соҳиби жорий мавсум "қироллик клуби" сафида 19 та ўйин ўтказиб, 3 та гол ва 2 та голли узатмани амалга оширди.