“Реал” “Олтин тўп” соҳибини олиш йўлини топди

“Манчестер Сити” майдон марказини кучайтириш учун “Ньюкасл”дан бразилиялик Бруно Гимараэсни трансфер қилишни режалаштирмоқда.

Хосеп Гвардиола бу футболчи январь ойидан унинг жамоасида тўп тепишини истаяпти. Клуб раҳбарияти ҳам яқинда юз берган инқироздан кейин таркибни кучайтиришга пул ажратишга розилик берди.

27 ёшли Гимараэс “шаҳарликлар” сафига қўшилса, “Реал” анчадан буён мўлжаллаб юрган режасини амалга ошириш осонлашади.   Мадридликлар айни пайтда жароҳат олиб, узоқ муддатга сафдан чиққан Родрини ўз таркибига қўшиб олмоқчи.

Гимараэс ва Родрининг майдондаги вазифалари бир бирига ўхшашлиги боис манчестерликлар икки нафар катта маошга ўйнайдиган футболчидан бирини қўйиб юбориши мумкин.

Родри яқинда “Олтин тўп” қўлга киритган эди. Европа чемпионатида порлаганидан кейин тажрибали ярим ҳимоячининг трансфер суммаси 130 миллион еврога кўтарилган.