“Реал” Погба билан келиша олмади

Поль Погбани олишни орзу қилган “Реал” футболчи билан шахсий шартнома бўйича бир тўхтамга кела олмади.

Todofichajes  нашрининг маълум қилишича,  “Қироллик клуби” мутасаддилари билан олиб борилган музокара муваффақиятсиз якунланганидан кейин франциялик ярим ҳимоячи “Манчестер Юнайтед”да қолишга қарор қилган.

Манчестерликлар анчадан бери Погбага янги битим таклиф қилаётган эди. Бироқ, Поль мадридликлар сафига эркин агент сифатида қўшилиш учун уни рад этиб келаётганди. Энди вазият ўзгарди.

“Манчестер Юнайтед” Погбага 2026 йилнинг ярмигача давом этадиган битим ва йилига 20 миллион евро маош таклиф қиляпти. Ҳозирча, моҳир футболчи бир йилда 17 миллион евро маош олмоқда. Унинг трансфер суммаси 60 миллион еврога баҳоланган.