“Реал” ПСЖ юлдузини икки гранд билан талашяпти

“Пари Сен-Жермен” ярим ҳимоячиси Жоау Невеш фаолиятини Европанинг бошқа топ-клубларида давом эттириш имкониятига эга бўлди.

21 ёшли футболчига ҳозирнинг ўзида Мадриднинг “Реал”, Англиянинг “Ливерпуль” ва “Манчестер Сити” клублари жиддий қизиқиш билдирмоқда.

Бу ҳақда таниқли инсайдер Экрем Конур хабар берди.

Манбанинг таъкидлашича, даъвогар клубларга португалиялик ўйинчини олиш жуда қийин бўлади. Чунки Жоау Невешннг ўзи Париждан кетишни истамаяпти.

Клуб раҳбарияти ҳам етакчиларидан бирини фақат катта – сумма 160 миллион евродан юқори нарх таклиф этилсагина сотиши мумкинлиги айтилмоқда. Бундан ташқари ПСЖ хўжайинлари ўйинчи билан янги шартнома тузишга ҳаракат қиляпти.

Transfermarkt портали экспертлари Жоау Невешнинг бозор қийматини 110 миллион евро, деб баҳолаган. Унинг ПСЖ билан амалдаги шартномаси 2029 йилгача мўлжалланган.