Ads

“Реал” клуби раҳбарияти ва бош мураббий Зинедин Зидан ёзги трансферлар даврида жамоанинг марказий чизиғини кучайтириш масаласида бир тўхтамга кела олишмаяпти.

AS нашрининг хабар беришича франциялик мутахассис ушбу жойга «Манчестер Юнайтед»даги ҳамюрти Поль Погбани олиб келмоқчи. Бироқ, раҳбарият бу масалада «Тоттенхэм» хавбеки Кристиан Эриксен номзодини илгари сурмоқда.

Клуб президенти Флорентино Перес нега айнан даниялик футболчини танлаётганига етарлича сабаблар бор. Масалан, Эриксеннинг “шпорлар” билан амалдаги шартномаси яна бир йилдан сўнг ниҳоясига етади ва шу сабабли ҳам уни нисбатан арзонроққа сотиб олиш мумкин. Бундан ташқари улар футболчининг ўз ишига профессионал ёндашувини ҳам инобатга олишмоқда.

Погба эса ҳам қиммат, ҳам можаролар келтириб чиқарадиган футболчи ҳисобланади. “Манчестер Юнайтед” уни 150 млн еврога баҳоламоқда.

Ўз навбатида “Тоттенхэм” эса Эриксенни 70 млн евро эвазига қўйиб юборишга тайёр.