"Реал" Роналдудан воз кечгани маълум бўлди

"Ал-Насср" билан шартнома имзолаган Криштиану Роналду "Реал"га қайтишга ҳаракат қилгани маълум бўлди.

Португалиялик ҳужумчи Жаҳон чемпионатидан сўнг Мадридда, "қироллик клуби" базасида якка тартибда машғулот олиб борди. Хабарларга кўра, ўша пайтда у собиқ жамоасидан таклиф кутган. Футболчи фаолиятини ЕЧЛ иштирокчиси таркибида давом эттирмоқчи бўлган.

Аммо мадридликлар уни таркибга қайтариш вариантини маъқул кўрмаган. Криштиану 2009-2018 йиллар оралиғида "қаймоқранглилар" шарафини ҳимоя қилган.

37 ёшли Роналду риёдликлар билан 2025 йилга қадар мўлжалланган шартномага имзо чекди.