"Реал" Роналдунинг маошини кўтарадиган бўлди

Мадриднинг “Реал” клуби португалиялик ҳужумчи Криштиану Роналдуга маоши оширилган янги шартнома таклиф қилади.

Берилган маълумотларга қараганда 32 ёшли футболчининг маоши йилига 30 миллион еврога қадар оширилади. Таъкидлаш лозимки, Роналдунинг йиллик маоши айни дамда 21 млн еврони ташкил этади.

Ўз навбатида Криштианунинг ўзи ҳам “Сантьяго Бернабеу”да қолишни истамоқда ва бу борадаги истагини клуб раҳбариятига ҳам етказган.

Маълумот учун, айни дамда дунёнинг энг кўп маош олувчи футболчиси “Барселона” форварди Лионель Месси ҳисобланади. 30 ёшли аргентиналик футболчининг маоши йилига 50 млн еврони ташкил этади. Бу борадаги иккинчи кўрсатгич ПСЖнинг бразилиялик ҳужумчиси Неймарга (30 млн евро) тегишли.

Фикрлар

Фикр қолдириш учун авторизациядан ўтинг!