"Real" safarda g‘alaba qozondi, endi hammasi so‘nggi turda oydinlashadi!

Ispaniya La Ligasi 37-turidan o‘rin olgan "Atletik" - "Real" uchrashuvi o‘z nihoyasiga etdi. Uchrashuv madridliklarning minimal hisobidagi g‘alabasi bilan yakunlandi. O‘yin taqdirini hal qilgan yagona golga 68-daqiqada Nacho mualliflik qildi.

Ayni paytda, bevosita chempionlik poygasida ishtirok etayotgan "Real" o‘z ochkolari sonini 81 taga etkazib olgan holda intrigani saqlab qoldi. Bu turda "Atletiko" o‘z uyida "Osasuna"ni mehmon qildi va 2:1 hisobidagi g‘alabani qo‘lga kiritdi, shu tariqa, ularning orasidagi farq bu turda ham 2 ochkoligicha qoldi. Ya’ni, hali hech nima aniq hal bo‘lganicha yo‘q, barchasi so‘nggi turda oydinlashadi!

38-turda "Real" Madrid o‘z uyida Evropa Ligasi finaliga yo‘l olgan "Vilyarreal"ni qabul qiladi, "Atletiko" esa "Valyadolid" mehmoni bo‘ladi. Chempionlik poygasidan chiqib ketgan "Barselona"  "Eybar"ga safar uyushtiradi.

La Liga bu mavsum har yilgidanda qizg‘in tus oldi. Kuzatishda davom etamiz.

• 90+4'
  

  Учрашув якунланди! "Реал" муҳим паллада 3 очкони қўлга киритди. Эътиборингиз учун раҳмат!

• 90+1'
  

  Рақибини қўполлик билан тўхтатиб қолгани учун Феде Вальверде огоҳлантирилди.

• 90+'
  

  Учрашувга 3 дақиқа вақт қўшиб берилди.

• 90'
  

  Мураббий ҳакмга қаршилик қилгани боис, Марселино Гарсия Тораль ҳам огоҳлантирилди.

• 88'
  

  Бу фоли учун унга тўғридан тўғри қизил берса арзийди, бироқ ҳакам унга сариқ карточка кўрсатди! Бу Раул Гарсия учун ўйиндаги 2-си бўлгани учун, у ўйинни тар этди!

• 82'
  

  Начо ҳам огоҳлантирилди. Сариқ карточкалар сони ошиб кетмоқда.

• 80'
  

  Иньиго Мартинес Каземирога нисбатан фол ишлатгани боис сариқ карточкага лойиқ кўрилди.

• 79'
  

  Рауль Гарсия қўполлиги учун огоҳлантирилди.

• 77'
  

  Родригонинг ўрнига Эден Азар ўйинга қўшилди.

• 72'
  

  Охиан Санчет ўрнига Унаи Лопес ўйинга қўшилди.

• 71'

  Йўқ, барчаси жойида. Гол инобатга олинади.

• 70'
  

  Бош ҳакам ВАРга мурожаат қилади. Гол инкор қилиниши мумкин!

• 68'
  

  ГООООООООООООООООООООООООЛЛЛ!!! Начо ҳисобни очди! Ўйинда туб бурилиш, "Реал" буёғига осонликча таслим бўлмайди.

• 65'
  

  "Атлетик"да ўзгариш: Иньяки Уильямс ўрнига Асьер Вильялибре майдонга тушди.

• 61'
  

  Модричнинг бурчакдан узатган тўпидан сўнг Каземиро боши билан тўпни дарвозага йўналтирди, бироз ноаниқ.

• 59'
  

  Винисиус ўрнига Марко Асенсио ўйинга қўшилди.

• 56'
  

  Бурчакдан тўпни хорватиялик ярим ҳимоячи яна бир бор ўйинга киритиб беради.

• 55'

  Винисиуснинг зарбаси рикошетдан сўнг майдон ташқарисига чиқиб кетди.

• 53'
  

  Бурчак тўпи яна бир бор Лука Модрич томонидан ўйинга киритиб берилади.

• 50'
  

  Хон Морсильонинг зарбасини Тибо Куртуа қойилмақом сейви билан бартараф этди!

• 48'
  

  Бурчакдан тўпни Модрич ўйинга киритиб беради.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45'
  

  Бош ҳакам ўйинга вақт қўшиб бермади. Тайм якунланди. Танаффус.

• 43'

  Алехандро Беренгернинг зарбаси дарвоза тўридан жой олишига оз қолди!

• 42'

  Каземиро қўпол ўйнади. Ҳакам уни оғзаки огоҳлантирди.

• 39'

  Унаи Симон бугун фаол. У рақибларининг аксарият ҳужумларини ўқиб, уларни бартараф этмоқда.

• 37'

  Винисиус Жууниор жарима майдончаси ичига чиройли узатма амалга оширди, бироқ ҳимоячилар тўни осонгина узоқлаштирди.

• 36'

  Родригонинг жарима майдончаси ташқарисидан берган зарбасига аниқлик етишмади.

• 35'
  

  Ҳимоячиларнинг фаол ҳаракатлари боис тўп яна бир бора бурчакдан ўйинга киритиб берилади. Модрич уни ижро этади.

• 34'
  

  Такрорий бурчак тўпи. Бу сафар ҳам тўп олдида Модрич.

• 33'
  

  Лука Модрич тезкорлик билан бурчакдан тўпни ўйинга киритиб беради.

• 30'
  

  "Реал" Мадрид бурчак тўпидан сўнг хавфли вазият юзага келтира олмади.

• 29'

  Антонио Матео Лаос ВАРга мурожаатидан сўнг пенальти йўқ деб топди ва ўйинни давом эттиришга рухсат берди.

• 28'
  

  Бош ҳакам ВАРга мурожаат қилади.

• 27'

  Хон Морсильо ўз жарима майдончаси ичида тўпга қўли билан тегиб юборди! Пенальти белгиланиши мумкин!

• 25'
  

  Беренгер бурчакдан тўпни ўйинга киритиб беради.

• 24'

  Хон Морсильо жарима майдончаси ичига тўпни етказди, ҳимоячилардан бири тўпни узоқлаштиришга муваффақ бўлди.

• 22'

  Оскар Де Маркос яхши ўйнади. "Атлетик" бурчакроқда жарима зарбасини ижро этади.

• 20'

  Винисиуснинг ўнг қанотдан узатган тўпини ҳимоячи узоқлаштирди. Қарши ҳужум кўришимиз мумкин.

• 17'

  Лука Модрич Винисиусга тўпни етказиб бермоқчи эди, бироқ узатма анчайин кучли чиқди. Хавфли вазият юзага келиши мумкин эди.

• 14'
  

  Алехандро Беренгер қўполлиги учун сариқ карточка билан огоҳлантирилди.

• 12'

  Родригонинг зарбасига ҳимоячи блок қўйди. Қайтган тўп ноаниқ зарба билан майдон ташқарисига чиқариб юборилди.

• 9'

  Иньяки Уильямс жарима майдончаси ичига тўпни етказиб берди, бироқ тўпни эгаллаб олувчи шерик топилмади.

• 6'

  Каземиро ўйин қоидасини бузди. Жарима зарбаси.

• 4'
  

  "Атлетик" аъзоси Охиан Санчет офсайдда қолиб кетди.

• 3'

  "Реал" илк дақиқаларни устунлик билан бошлади.

• 1'
  

  Учрашув бошланди!