"Реал" собиқ ҳимоячисини жамоага қайтармоқчи

"Реал Мадрид" Тео Эрнандесга қизиқиш билдирмоқда. Бу ҳақда "As" нашри хабар бермоқда.

Манба маълумотларига кўра, "Милан"нинг 27 ёшли футболчиси мадридликларнинг чап ҳимоя позициясини кучайтириш учун асосий номзодлардан бири ҳисобланмоқда.

"Қироллик клуби" учун мазкур трансфер бир нечта мақбул мезонларга мос келади: футболчининг ёши, шартнома шартлари ва жамоага тезда мослашиши. Франциялик футболчининг Италия клуби билан тузилган амалдаги шартномаси 2026 йилгача амал қилади.

Маълумот учун, Тео 2017-18 йилги мавсумда "Реал" сафида тўп тепган. Жорий мавсумда у "Милан" таркибида А Серияда 31 та ўйинда иштирок этиб, 4 та гол урди ва 3 та голли узатмани амалга оширди.