“Реал” собиқ ҳужумчиси: “Мбаппе кетчупга ўхшайди”

"Реал"нинг собиқ ҳужумчиси Хоселу Килиан Мбаппенинг "Қироллик клуби" либосидаги илк ўйинлари ҳақида гапирди. Эслатиб ўтамиз, франциялик футболчи Ла Лиганинг сўнгги турида “Бетис” дарвозасига дубл қайд этган бўлса-да, бунгача кетма-кет 3 учрашувда гол ура олмади.

“Мбаппени танқид қилишми? Шахсан менда ҳеч қандай шубҳа йўқ. Мбаппе кетчупга ўхшайди. Аввалига сиз уни сиқиб чиқарасиз ва у чиқмайди, лекин кейин барча кетчут бир вақтнинг ўзида чиқади. У аллақачон "Бетис"га қарши ўйинда иккита гол урган ва кейин ҳам шундай қилади”, - деди Хоселу “Мадрид Зоне” билан бўлган суҳбатда.

Эслатиб ўтамиз, Хоселу ўтган мавсумда Мадрид клуби билан Ла Лига ва Чемпионлар лигасида ғолиб чиққан, аммо кейин жамоани тарк этган.