“Реал” суперҳужумчи учун катта суммага қўшиб футболчи ҳам беради

А Серияда тўпурарлик қилаётган Виктор Осимхен келаси мавсумни Испания чемпионатида бошлаши мумкин.

“Наполи”нинг нигериялик ҳужумчи учун курашга “Реал” клуби ҳам қўшилди. Мадридликлар 24 ёшли футболчини спорт формасини ушлаб тура олмаётган 35 ёшли Карим Бенземага ўринбосар сифатида кўрмоқда.

“Қироллик клуби” бу тўпурар учун неаполликларга 80 миллион евро ва ҳимоячи Начо Фернандесни қўшиб бермоқчи.

Осимхен “Наполи”да 2020 йилдан бери тўп тепяпити. Унинг амалдаги шартномаси 2025 йилгача тузилган. Лекин италияликлар уни узоқроқ ушлаб қолиш ёки қимматроқ сотиш мақсадида янги шартнома таклиф қилмоқда.