“Реал”: Супертўпурар “Барса”га ўтишига йўл қўймаймиз!

“Бавария” ҳужумчиси Роберт Левандовски “Барселона”нинг асосий нишони ҳисобланади. Гарчи Мюнхенликлар польшалик тўпурарни қўйиб юришни истамаётган бўлса-да, Левандовскининг ўзи Испания чемпионатига кўчиб ўтмоқчи.

Ўзи кутган трансфер – Килиан Мбаппедан қуруқ қолган “Реал” Левандовски учун курашишга қарор қилди. Улар Робертни қўлга киритиб, бир ўқ билан икки қуённи урмоқчи.

Яъни, бир неча мавсумдан бери европалик ҳужумчилар орасида энг кўп гол ураётган ҳужумчи Мадридга келса, “Реал” ҳужуми кучаяди. “Қироллик” клубининг ашаддий рақиби “Барселона” эсу бундай имкониятдан айрилади.

Левандовски бу мавсум 46 та учрашувда 50 та гол урди ва еттита ассис муаллифи бўлди. “Бавария” уни шартнома охиригача ўз сафида сақлаб туришга интилмоқда.