"Реал" телевидениеси ("Қайрат" билан ўйин ҳақида): “Хитойгача борамиз, жуда оғир қуръа”

"Реал Мадрид ТВ" эфирида клубнинг Чемпионлар лигасида Қозоғистоннинг "Қайрат" жамоасига қарши ўйин учун бориши муҳокама қилиниб, узоқ сафардан шикоятлар айтилди.

Бошловчилардан бири шундай деди: 

"Ким шубҳа қиларди - энг узоқ сафар, тўғридан-тўғри 6500 километр, деярли Хитойгача борамиз".

"Хўш, "Реал"га яна ўтган мавсумда бўлгани каби, бошқа фаворитлар ёки биринчи саватчадаги номзодларга нисбатан энг ноқулай рақиблар тушди.

Иккала сафар ҳам қуръа ташлаш компьютер ёрдамида ўтказилгани қандай ғалати тасодиф. Майли, кейин, агар хоҳласанг, буни муҳокама қиламиз, лекин бу жуда жуда оғир вазият. Нафақат рақиблар туфайли, балки ҳатто аҳамиятсизроқ жамоалар билан ҳам, кичикроқ даражадаги жамоалар билан ҳам бизга энг ёмон йўл насиб этди - Хитой чегарасигача деярли 300 километр йўл босиш керак" - дея қўшимча қилди бошқа бир бошловчи.