“Реал” Винисиус ва Мбаппе ўрнига бошқа тўпурар топиб қўйди

Ёзда “Реал” сафига кўчиб ўтган Килиан Мбаппенинг трансфери кутилган натижани бермади. Франциялик ўйинчининг таркибга қўшилиши Карло Анчелотти жамоасида кутилмаган муаммоларни келтириб чиқарди.

Клуб раҳбарияти энг катта маош олаётган Мбаппенинг самарадорлиги ва ўйин даражасидан қониқиш ҳосил қилаётгани йўқ.

Яна бир етакчи Винисиус Жуниор ҳам клубдан кетиши мумкин. Ирқчилик ва танқид каби ёқимсиз ҳолатларга дуч келаётган бразилиялик футболчини Саудия Арабистони клублари олиб кетишга уриняпти.

“Реал” мутасаддилари ҳар эҳтимолга қарши бу икки тўрурар ўрнини боса оладиган ўйинчи топиб қўйди. Мадридликлар “Спортинг”да ўйнаётган швед ҳужумчиси Виктор Дьёкерешни нишонга олган.

26 ёшли ҳужумчи бир неча мавсумдан бери Португалия чемпионати ва Европа миқёсидаги учрашувларда тўпурарлик қобилиятини намойиш қилиб келмоқда. El Gol Digital нашрига кўра, “Қироллик клуби” президенти Флорентино Перес, Винисиус ва Мбаппенинг келажаги қандай бўлишидан қатъи назар, Дьёкерешни олиб келмоқчи ва бу трансфер учун 100 миллион евро тайёрлаб қўйган.