"Реал" Винисиусни қандай рағбатлантирмоқчи?

Винисиус Жуниор "Реал" билан янги шартнома борасида музокаралар олиб бормоқда. Marca хабарига кўра, Мадрид клуби барча расмиятчиликларни шу ёки кейинги ҳафтада ҳал қилмоқчи. Расман вингернинг янги шартномаси июль ойида, жамоа таътилдан қайтгач эълон қилинади.

Томонлар фақат шартнома муддатини келишиб олишлари керак эди. "Реал" амалдаги шартномаси 2024 йилнинг ёзига қадар амалда бўлган футболчига 2028 йилгача шартнома имзолашни таклиф қилган. Аммо бразилиялик қисқароқ келишувга эришмоқчи - 2026 ёки 2027 йилгача.

Янги келишувга кўра, Винисиуснинг маоши икки баравар ошади. Амалдаги шартномага кўра, у йилига 3,2 миллион евро маош олмоқда. Бонуслар ҳисобига бу сумма йилига 4 миллион еврога етиши мумкин. Янги шартномага кўра, Винисиус йилига 10 миллион евро ишлаб олади. Бундан ташқари янги шартномада турли бонуслар ҳам бўлади.

Ярим ҳимоячининг товон пули сезиларли даражада ошади - 350 миллиондан 1 миллиард еврогача. Бундай товон фақатгина "қироллик клуби"нинг асосий юлдузлар учун белгиланган. Шу тариқа, “Реал” раҳбарияти Винисиусга унинг жамоадаги ўрни нақадар муҳимлигини билдириб, оғир дамларда ҳам унга бошқа клублар билан ҳеч қачон музокара олиб бормагани учун миннатдорчилик билдирмоқчи.

21 ёшли ярим ҳимоячи ўтган мавсум "Реал" сафида жами 52 ўйинда 22 гол урди ва 16 голга ассистентлик қилди.