“Реал” Виржил ван Дейк кутган жавобни бермади

“Ливерпуль” сардори Виржил ван Дейк ёзда “Реал”га ўтишга урингани ҳақида маълумотлар чиқа бошлади.

Transfer News Live нашри ва журналист Хосе Феликс Диаснинг ёзишича, нидерландиялик футболчининг агентлари ҳимоячи хизматларини “Қироллик клуби”га таклиф қилган. Виржилнинг ўзи эса, “Реал”дагилар унга чорлов юборишини кутган.

Бироқ “Реал” бу таклифларни жавобсиз қолдирди. Шундан сўнг, Виржиль ван Дейк “Ливерпуль”да қолиб, чемпион жамоа билан янги шартнома тузишга қарор қилди.

Виржил ван дейк “Виллим II” жамоаси тарбияланувчиси ҳисобланади. Ўз юртида “Гронинген” шарафини ҳимоя қилганидан кейин 2013 йили Шотландия чемпионати гранди “Селтик” жамоасига кўчиб ўтган.

Икки йилдан кейин уни “Саутгемптон” олиб кетди. “Ливерпуль” моҳир ҳимоячини 2018 йили қарийб 85 миллион евро эвазига ўз таркибига қўшиб олган эди.