“Реал” хавотирда: Мбаппенинг ўзига ишонамиз, атрофидагиларга эмас...

“Реал” ва Килиан Мбаппе атрофидаги вазият кўп муҳокама қилинмоқда. Мадридликлар франциялик ҳужумчини олиш учун режа ишлаб чиққан ва уни январь ичи амалга оширмоқчи.

Бироқ “Қироллик клуби” баъзи бир омиллар трансфернинг амалга оширилишига тўсқинлик қилиши мумкинлигидан хавотирда.

Таниқли журналист Хосеп Педрероланинг таъкидлашича, мадридликлар Мбаппенинг атрофидагилар Париж клубининг қатарлик инвесторларига таъсир ўтказиш орқали трансферга ҳалақит қилиши мумкин.

“Қироллик клуби” мутасаддилари 25 ёшли футболчининг ўзи Мадридга кўчиб ўтиш истагида эканига ишонмоқда. Улар ҳужумчи билан январь ойида келишувга эришиб, мавсум тугаганидан кейин эркин агент сифатида “Реал”га ўтишини истаяпти.