“Реал” хўжайини Хаби Алонсо ва Винисиусни яраштиргани келди

“Реал Мадрид” клуби президенти Флорентино Перес жамоанинг ички муҳитидаги вазиятни инобатга олган ҳолда машғулотлар базасига ташриф буюришига тўғри келди.

COPE ва Sport.es каби нашрларнинг маълум қилишича,  клуб хўжайини бош мураббий Хаби Алонсо ва ҳужумчи Винисиус Жуниорни яраштириб қўйиш учун келган.

Гап шундаки, бразилиялик футболчи “эл-класико”нинг 73-дақиқасида захирага олинган паллада Хаби Алонсога эътироз билдирган, захирага ўриндиғига бормай, тўғри ичкарига кириб кетган. Бундан ташқари, учрашув тугаганидан кейин “Барселона” етакчиси Ламин Ямил билан жанжал келтириб чиқарган.

Шундан бери Винисиус устози билан гаплашмаяпти. Бўлиб ўтган воқеаларга муносабат билдирган Винисиус клуб, жамоадошлари ва президентдан узр сўраган, бироқ Хаби Алонсонинг номини келтириб ўтмаган.