“Real” xo‘jayinlari “Barsa”ga ketmoqchi bo‘lgan futbolchining yo‘lini to‘smoqda

“Real” futbolchisi Marko Asensioga yangi shartnoma taklif qiladigan bo‘ldi. 27 yoshli futbolchini dastlabki taklif qoniqtirmagani bois, unga xaridorlar ko‘payib ketgan edi.

Eng qiziq tomoni, Asensioga “Barselona” o‘z safidan joy berishga tayyor. Futbolchining agenti  kataloniyaliklar bilan muzokaraga kirishgani haqida ham ma’lumotlar tarqatildi.

Endi “Qirollik klubi” futbolchiga boshqa bitim berdi. Unga ko‘ra, hamkorlik muddati 2027 yilning yozigacha davom etadi. Manbalarning ta’kidlashicha, kelishuv muddati Asensioga mahqul kelgan.

Biroq, maosh masalasi Markoni yana qoniqtirgani yo‘q. Tomonlar tez orada yana muzokaraga kirishadi. Yarim himoyachining amaldagi bitimi mavsum oxirida yakunlanadi.