“Реал”: Холанд ўрнига шу тўпурарни оламиз!

“Реал” раҳбарияти Эрлинг Холандни трансфер қила олишига ишонмаяпти. Мадридликлар ёзда Килиан Мбаппени трансфер қилиши ҳақиқатга яқин ва шундай бўлиб чиқса, норвегиялик ҳужумчига кетадиган харажат уларга оғирлик қилади.

Шу боис, “Қироллик клуби” мутсаддилари эътиборини “Флорентина” тўпурари Душан Влаховичга қаратмоқчи. Сербиялик ҳужумчига бошқа клублардан ҳам жиддий таклифлар бор.

21 ёшли Влахович 2018 йилдан бери флоренцияликлар шарафини ҳимоя қилмоқда. А Серия клуби бу ўйинчини “Партизан” жамоасидан салкам 2 миллион еврога харид қилганди. Жорий мавсумда 16 та гол урган ҳужумчини олиш учун мадридликлар камида 70 миллион евро сарфлаши керак бўлади.

Влаховичнинг италияликлар билан шартномаси 2023 йилнинг ярмигача тузилган. “Фиорентина” ёзда уни сотиб, мўмай даромад ишлаб олишни режалаштирмоқда.