“Реал” Холанд учун қанча тўлаши аниқ бўлди

“Манчестер Сити”да порлаётган Эрлинг Холанд “Реал”нинг асосий трансфер нишонига айланиб бормоқда.

Todofichajes нашрининг таъкидлашича, 22 ёшли норвегиялик тўпурарнинг кейинги жамоаси “Реал” бўлади. Мадридликлар 35 ёшли Карим Бензема ўрнини машҳур юлдузлардан бири эгаллашини истамоқда.

Трансфер мутахассисларининг маълумотига кўра, “Қироллик клуби” супертўпурарни олиш учун 200 миллион евро сарфлашига тўғри келади. Табиийки, мадридликлар бу суммани пасайтиришга уринмоқда.

“Манчестер Сити” норвегиялик футболчини олиш учун “Боруссия”га ўтган ёз 60 миллион евро тўлаган эди.