“Реал” Холандни “Сити”дан тортиб олади

“Реал” раҳбарияти ёши ўтиб қолган тўпурар Карим Бенземанинг ўрнига “Манчестер Сити” вакили Эрлинг Холандни олиб келишга қарор қилди.

Англия Премьер-лигаси “Манчестер Сити”ни молиявий фирибгарликларга қўл урганликда айблай бошлаганидан кейин, “шаҳарликлар”нинг олдида муаммолар кўпайиб кетди. Жамоа қуйи лигалардан бирига тушириб юборилиши мумкин.

Daily Mail нашрининг таъкидлашича, юзага келган вазият “Сити”га қимматга тушиши ва трансферларга таъсир ўтказиши мумкин. “Реал” раҳбарияти жараённи синчковлик билан кузатиб бормоқда.

Fichajes сайти “Қироллик клуби” президенти Флорентино Перес “Манчестер Сити”га санкция қўлланиладиган бўлса, Холандни трансфер қилиш бўйича пухта режа тузиб қўйганини таъкидламоқда.