"Реал" яна бир бразилиялик юлдузни ўз сафига қўшиб олиши мумкин

Бразилия терма жамоаси ва "Тоттенхэм" ҳужумчиси Ришарлисон келаси ёзда Испания чемпионатига ўтиши мумкин. "Fichajes" нашри хабарига кўра, жанубий америкалик ҳужумчи хизматларига Мадриднинг "Реал" клуби қизиқиш билдирмоқда.

Ришарлисон учун курашда "қироллик" клубининг асосий рақиби - "Интер". 26 ёшли бразилиялик футболчининг трансфер нархи 55 миллион еврога баҳоланмоқда. Унинг "шпорлар" билан шартномаси 2027 йилнинг июнигача мўлжалланган.

Ришарлисон жорий мавсумда премьер-лигада 24 та ўйинда майдонга тушиб, битта гол урди ва 3 та голли узатмани амалга оширди.