"Реал" янги мавсум учун уй либосини тақдим этди (фото)

"Реал" Мадрид келаси мавсум учун янги уй либосларини тақдим этди. Бу ҳақда клуби матбуоти хабар берди. "Қироллик клуби" либоси анъанавий оқ рангда тайёрланган. Ёнларда ва ёқада тўқ кўк ва олтин чизиқлар қўлланилган.

Мадрид клубининг техник ҳамкори Германиянинг Adidas спорт анжомлари ишлаб чиқарувчиси ҳисобланади.

Испания Ла Лигасининг сўнгги мавсумида Карло Анчелотти шогирдлари лига чемпионлигини “Барселона”га бой бериб, турнир жадвалида иккинчи ўринни эгаллашди. Чемпионлар лигасида “қаймоқранглилар” ярим финалга йўл олди ва “Манчестер Сити”га умумий ҳисобда мағлуб бўлди.