“Реал” юлдузи “Барса” таклифини қабул қилишга тайёр

“Реал”нинг энг таниқли футболчиларидан Марко Асенсио келаси мавсумни ашаддий рақиб – “Барселона” сафида бошлаши мумкин.

Sport.es сайтининг хабар беришича, 27 ёшли ҳужумкор ўйинчи каталонияликларнинг таклифини ўрганиб чиқишга тайёр. Чунки Асенсионинг “Реал”даги келажаги мавҳумлигича қолмоқда, “Барелона” эса тажрибали футболчига анчадан бери жиддий қизиқяпти.

Асенсио жамоанинг охирги икки учрашувини ўтказиб юборди. “Бетис”га қарши аввалги баҳсда бош мураббий Карло Анчелотти футболчини машқ қилишга юборди. Асенсио ярим соатдан кўп шуғулланганига қарамай, барибир майдонга туширилмади. Бу ҳолат Марконинг жиддий норозилигига сабаб бўлди.

Маълумотларга қараганда, Асенио олдида “Барселона”дан ташқари “Милан” ва “Арсенал” вариантлари ҳам бор.

Фикрлар

Фикр қолдириш учун авторизациядан ўтинг!