"Реал" юлдузи "Барселона"га ўтмоқда, музокаралар бошланган

"Реал" вингери Марко Асенсио фаолиятини бошқа клубда давом эттиришга яқин турибди.

"Diario Sport" нашри тарқатган хабарга кўра, испаниялик футболчи хизматига "Барселона" жиддий қизиқиш билдиряпти. Каталонияликлар раҳбарияти футболчининг агенти билан учрашиб, трансферни муҳокама қилган. 

27 ёшли Марко сўнгги пайтларда "қаймоқранглилар" таркибида мунтазам ўйин амалиётига эга бўлмаяпти. Шу боис унинг ўзи ҳам кетишни истамоқда. Жорже Мендеш уни АПЛнинг бошқа клубларига ҳам таклиф қилган.

Асенсио жорий мавсум мадридликлар сафида 22 ўйинда майдонга тушиб, ўз ҳисобига 3 гол ва 5 ассист ёздириб қўйди.