“Реал” юлдузи беш клубдан таклиф олди

Жорий мавсумнинг охирида “Реал” билан амалдаги шартномаси якунланадиган Лукас Васкеснинг харидорлари тобора кўпайиб бормоқда.

“Қироллик клуби” 29 ёшли футболчи билан янги келишув борасидаги ишларни жадаллаштирмаса, Лукас Васкес бошқа клублар таклифини ўрганишга тайёр эканини билдирди.

Тажрибали ярим ҳимоячига ҳозирча бешта жамоа мурожаат қилди. Хусусан, “Манчестер Юнайтед”, “Эвертон”, “Валенсия”, “Севилья” ва “Наполи” раҳбарияти Испания терма жамоаси футболчисини эркин агент сифатида ўз сафида кўришни истамоқда.

Лукас Васкес жорий мавсумда примерада 18 та ўйинда иштирок этиб, иккита гол урди ва жамоадошларига учта голли пас берди.