“Реал” юлдузи бошқа суперклубга ўтади

“Ювентус” жамоани тарк этадиган Пауло Дибала ўрнига “Реал”нинг ҳужумкор футболчиси Марко Асенсиони танлади. Бу ҳақда Defensa Central нашри хабар тарқатди.

Марко Асенсио 2016 йилдан бери мадридликлар шарафини ҳимоя қилиб келмоқда. Энди испаниялик футболчи янги жамоада ўзини синаб кўрмоқчи. Асенсио ҳар икки қанот ҳужумида ва ҳужумкор плеймейкер позицияда муваффақиятли ўйнай олади.

Унинг мадридликлар билан шартномаси яна бир йилдан кейин якунланади. Клубда ҳамкорликни узайтириш бўйича ҳали таклиф бўлмади.

Жорий мавсумда барча турнирларда 33 та ўйинда қатнашиб, 10 та гол урган футболчини олиш учун туринликлар 40 миллион евро атрофида харажат қилишига тўғри келади.

Фикрлар

Фикр қолдириш учун авторизациядан ўтинг!