“Реал” юлдузи Франция клуби хўжайинига айланди

Мадриднинг "Реал" клуби дарвозабони Тибо Куртуа Франциянинг иккинчи йирик лигасида иштирок этувчи "Ле-Ман" футбол клуби акциядорига айланади, дея хабар бермоқда клуб расмий матбуот хизмати.

"Тибо Куртуа ҳам спорт, ҳам медиа соҳасида жуда юқори профессионаллик даражасига эга", - дейилади клуб матбуот хизмати хабарида.

Ёзда Франциянинг иккинчи лигаси клуби OutField ва OakBerry сармоя фондлари тимсолида янги молиявий ҳамкорларни эълон қилди. Аввалроқ лойиҳага таниқли сербиялик теннисчи Новак Жокович, шунингдек, Формула-1'нинг собиқ пойгачилари Фелипе Масса ва Кевин Магнуссен қўшилганди.

Клубнинг мақсади - Франция иккинчи лигасида бешинчи ўринни эгаллаб турган жамоанинг мавқеини сақлаб қолиш ва якунда Лига 1'га қайтиш.