“Реал” юлдузи ҳеч кимга керак бўлмай қолди

“Реал”даги 15 йиллик фаолиятидан кейин эркин агентга айланган Марсело ўзига янги жамоа топишга қийналмоқда.

Бразилиялик футболчининг агентлари унинг хизматини “Лион” клубига ҳам таклиф қилган эди. Бироқ французлар 34 ёшли юлдузни ўз сафига қўшиб олишдан бош тортди.

Маълумотларга қараганда, Марселога А Серия дебютанти “Монца” клубидан қизиқиш бўлмоқда. Агар тажрибали ҳимоячи Европадан бошқа жамоа топа олмаса, АҚШ чемпионатига йўл олиши кутилмоқда.

Марсело фаолияти давомида 555 та учрашувда майдонга тушиб, ўз ҳисобига 41 та гол ва 103 та ассист ёздириб қўйган.