“Real” yulduzi: Ovozni ko‘taradigan payt keldi, ish tashlashga tayyormiz!

Evropaning mashhur futbolchilari musobaqalar taqvimi tig‘izligi, o‘yinlar soni ko‘pligiga noroziligini bildira boshladi.

Yaqinda “Manchester Siti” etakchisi Rodri Ernandes etakchi o‘yinchilar oxirgi chora sifatida ish tashlashga tayyor ekanini ta’kidlagandi.

Endi bu masalaga “Real”ning tajribali o‘yinchisi Dani Karvaxal ham qo‘shildi.

- Futbolchilar ish tashlash e’lon qilishi mumkin. O‘yinchilarning fikri inobatga olinmayapti. Shu bois, ovozimizni ko‘taradigan payt keldi, - dedi Dani Karvaxal.

Gap shundaki, UEFA mintaqaviy musobaqalar formatini o‘zgartirdi. Aksariyat jamoalar qisqa muddatda bir nechta o‘yin o‘tkazishiga to‘g‘ri kelmoqda. Futbolchilar organizmi tiklanmay turib, yana maydonga tushish ularga qiyinchilik tug‘dirayotganini ta’kidlamoqda