"Реал"да Анчелоттининг ўрнига тўртта даъвогар бор

Мадриднинг "Реал" клуби мавсум охирида жамоанинг амалдаги бош мураббийи Карло Анчелотти ўрнини боса оладиган мураббий изламоқда.

Аввалроқ, "Sport Bild" нашри "қироллик клуби" Томас Тухель номзодига қизиқиш билдираётгани ҳақида хабар берганди. Худди шу манбанинг қўшимча қилишича, "қаймоқранглилар" шорт листида германиялик мутахассисдан ташқари яна учта номзод мавжуд. 

Булар Мадриднинг икки собиқ футболчиси Рауль Гонсалес ва Хаби Алонсолардир. Рауль ҳозирда  "Кастилия"ни бошқарса, Хаби эса "Байер"ни бошқармоқда. Яна бири бўлса, "Тоттенхэм" ва ПСЖнинг собиқ бош устози Маурисио Почеттино ҳисобланади. 

Эслатиб ўтамиз, яқинда Анчелотти жорий мавсум сўнгида Бразилия терма жамоасини бошқариши мумкинлиги борасада хабарлар тарқалганди.