“Реал”да ўзгариш кутилмоқда. Зиданнинг ўрнини ҳеч ким кутмаган мутахассис эгаллайди

Айни пайтда “Рома”ни бошқараётган Пауло Фонсека жорий мавсум якунланиши билан кучлироқ клубни қабул қилиб оладиган бўлди.

48 ёшли мутахассис Римни тарк этиб, Мадридга келиши кутилмоқда. “Реал” раҳбарияти португалиялик мураббийни Зинедин Зиданга ўринбосар сифатида кўрмоқда.

Маълумотларга қараганда, Фонсекани “Бенфика” ҳам ишга чорламоқда. Шунингдек, бу мутахассисга Европанинг бошқа клубларидан таклифлар етарли.

Ҳозир “Рома”да тажрибали мураббийни сақлаб қолиш учун биргина йўл қолган. Агар “Бўрилар” Европа Чемпионлар лигасининг гуруҳ босқичига йўлланма оладиган бўлса, Фонсеканинг клуб билан шартномаси автоматик тарзда бир йилга узайтирилади.