“Реал”да яна ишкал: Футболчилари Арбелоадан ҳам норози

Испаниянинг энг қудратли клуби “Реал”нинг ички муҳитидаги муаммолар яна бўй кўрсата бошлади. Жамоанинг бир қатор футболчилари янги бош мураббий Альваро Арбелоанинг мураббийлик қарорларидан норози.

Бу ҳақида Cadena Ser нашри хабар берди.

Сўнгги кунларда Арбелоанинг айрим қарорлари ҳақиқатан ҳам жамоа ўйинчиларини ҳайратга солган. Биринчи ҳолат “Бенфика”га қарши ўйинда юз берган. Жамоа ичида Дани Себальос Лиссабонда бир дақиқа ҳам майдонга тушмагани тушунмовчиликка сабаб бўлган. Унинг ўрнига устунлик Хорхе Сестерога берилган ва футболчилар бу масала бўйича ўз муносабатларини мураббийга билдирган.

Иккинчи эпизод “Сантьяго Бернабеу”да юз берди ва Арбелоанинг матбуот анжуманига кечикишига сабаб бўлган. “Райо Вальекано”га қарши ўйиндан кейин кийим алмаштириш ҳолатида бош мураббий ва зйинчилар ўртасида баҳс-мунозара кучайиб кетган, гап-сўзлар  узоқ ва кескин кечган, айрим футболчилар билан мураббий ўртасида техник ва тактик қарашлар бўйича келишмовчиликлар юзага келган.

Экспертларнинг таъкидлашича, “Реал”нинг айрим юлдузлари ўзини худди ёшлар жамоаси – “Кастилья”нинг мураббийи қўл остида шуғулланаётгандек ҳис қилмоқда.