“Real”dan kelgan Endrik “Lion” tarkibidan chiqarildi

Madridning “Real” klubidan ijara asosida “Lyon” safiga ko‘chib o‘tgan braziliyalik hujumchi Endrik Fransiya chempionati doirasida “Monako”ga qarshi o‘yinda ishtirok etmaydigan bo‘ldi.

L’Equipe nashrining maʼlum qilishicha, 19 yoshli futbolchini qaydnomaga kiritmaslik haqida qaror jamoa bosh murabbiyi Paulu Fonseka tomonidan qabul qilingan.

Murabbiyning taʼkidlashicha, Endrik jismoniy jihatdan yaxshi holatda va yangi jamoaga faol moslashmoqda, ammo hozircha to‘liq 90 daqiqa o‘ynashga tayyor emas. Hujumchi oxirgi  bir hafta ichida asosiy jamoa bilan ikki marta mashg‘ulot o‘tkazdi, murabbiylar shtabi tomonidan ijobiy baholandi va jamoadoshlari uni qo‘llab-quvvatlashyapti.

Biroq yosh futbolchining umumiy tayyorgarligi to‘liq o‘yin o‘tkazadigan darajaga yetmagan. Shu sababli Endrikning “Lyon” safidagi debuti 11 yanvarga qoldirildi. O‘sha kuni jamoa Fransiya Kubogi 1/8 finali doirasida “Lill”ga qarshi bahs olib boradi.

 Hujumchi yangi klubidagi o‘yinlarga tayyorgarlikni davom ettirar ekan, bir vaqtning o‘zida “Real”ga qaytish va Braziliya milliy terma jamoasida ishtirok etish uchun jismoniy holatini saqlab turishni maqsad qilgan.