“Реал”дан Мбаппени ҳайдашни талаб қилаётганлар ўн бир миллиондан ошди

Мадриднинг “Реал” жамоасидан франциялик ҳужумчи Килиан Мбаппе кетишини талаб қилувчи петиция 11 миллиондан ортиқ имзо тўплади.

Аввалроқ, Килиан бир неча жамоадошларининг, жумладан Винисиус Жуниорнинг хатти-ҳаракатларидан норози экани хабар қилинган эди.

Футболчининг ўзи Испания чемпионатининг 35-турида “Барселона”га қарши ўйин олдидан Италияга дам олиш учун борган, шундан сўнг мухлислар томонидан танқидга учраган.

Шу билан бирга, Мбаппе 24 апрель куни Ла Лигада “Бетис” билан 1:1 ҳисобида дуранг қайд этилган ўйинда олган жароҳатидан тикланмоқда.

“Барселона”га қарши учрашув 10 май куни бўлиб ўтади.

27 ёшли Килиан Мбаппе 2024 йилдан бери “Реал” сафида ўйнамоқда. Унинг аввалги клуби  “Пари Сен-Жермен” жамоаси бўлган.