“Real”ga kelganim eng to‘g‘ri qaror!

“Real” yarim himoyachisi Luka Modrich Madrid klubiga kelganining o‘n yilligini nishonladi.

Bundan roppa-rosa o‘n yil muqaddam madridliklar xorvatiyalik pleymeykerni “Tottenxem”dan 35 million evroga xarid qilgandi.

Bu yubileyning ahamiyati haqida Modrich ijtimoiy tarmoqdagi sahifasida post qoldirdi.

- O‘n yil muqaddam “Real” bilan shartnoma tuzgan edim, bu hayotimdagi eng yaxshi qaror bo‘lib chiqdi. Dunyoning eng zo‘r jamoasida o‘ynash bu tushga o‘xshaydi va men hali ham uyg‘onishni istamayman. Davom etamiz, - deb yozdi Luka Modrich.

36 yoshli futbolchi “Real” tarkibida jami 439 marotaba maydonga tushib, 32 ta gol va 73 ta assist muallifi bo‘ldi. Uning shartnomasi joriy mavsumning oxirigacha uzaytirilgan.