"Реал"га кетавер! "Ливерпуль" Трентнинг ўрнига номзодлар топиб қўйди

"Ливерпуль" ўнг қанот ҳимоячиси Трент Александер-Арнольднинг яқин келажакда жамоадан кетишига тайёргарлик кўрмоқда.

Клубнинг юлдуз тарбияланувчиси янги мавсумдан бошлаб "Реал Мадрид"да тўп тепади. У эркин агент сифатида Испанияга йўл олади.

Журналист Бен Жейкобснинг хабар беришича, "Ливерпуль" раҳбарияти "Байер"дан Жереми Фримпонг ва "Ньюкасл"дан Тино Ливраментога катта қизиқиш билдирмоқда. Уларнинг иккиси ҳам Трентнинг ўрнини босувчи номзодлар сифатида кўрилмоқда.

Бироқ, 22 ёшли инглиз футболчисини сотиб олиш жуда мушкул бўлиши мумкин. Сабаби, "қарғалар" уни сотишни хоҳламаяпти. Ички вариант ҳам мавжуд - Конор Бредли. Мерсисайдликлар 21 ёшли футболчига ишонч билдирмоқда ва унинг асосий таркибда доимий ўрин эгаллашига тўла ишонч ҳосил қилмоқда.