“Реал”га Мбаппе ҳам, Холанд ҳам керакмас. Улар 20 миллионга зўр тўпурар топди!

“Реал” раҳбарияти яқин келажакда Карим Бензема ўрнини эгаллайдиган ҳужумчи қидирмоқда. Мадридлик нишонида бир неча юқори савияли тўпурарлар бор.

Айниқса, “Қироллик клуби” ПСЖдан Килиан Мбаппени, “Манчестер Сити”дан Эрлинг Холандни трансфер қилиши мумкинлиги ҳақида хабарлар кўп тарқатиляпти.

Мадридликлар бу юлдузлар учун 200 миллион евро атрофида харажат қилиши талаб этилади. Лекин “Реал” уларнинг ўрнини босиши мумкин бўлган арзон вариант танлади. Улар “Аякс” сафида ўзини кўрсатаётган Муҳаммад Қуддусни олиб келмоқчи.

Гана терма жамоаси сафида жаҳон чемпионатида порлаган 22 ёшли тўпурар гранд клублар эътиборини қозонган. Истеъдодли футболчи 20 миллилн еврога баҳоланмоқда.

Испанияликлар бу трансферни ёзда амалга оширишни режалаштиряпти.