“Реал”га Роналду керакми? Зидан жавоб берди

“Реал” бош мураббийи Зинедин Зидан “Ювентус” ҳужумчиси Криштиану Роналдунинг Мадридга қайтиши ҳақидаги хабарларга муносабат билдирди.

- Мадрид олдидаги хизматларини инобатга олиб, Криштиану Роналду қандай футболчи эканини яхши биласизлар. У бу ерда ажойиб ўйнагани ҳар биримизни унга боғлаб туради. Ҳозир у “Ювентус” футболчиси ва ўша жамоада жуда яхши ўйнаяпти. Мен ўзимдан ҳеч нарса қўшиб айта олмайман, лекин турли гап-сўзлар кўп. Муҳими, ўзаро ҳурматни сақлаб қолиш, - деди Зинедин Зидан.

Чемпионлар лигасини эрта тарк этган “Ювентус” йилига 31 миллион евро маош оладиган португалиялик юлдузни ёзда сотиб юборишга қарор қилгани ҳақида хабарлар тарқатилмоқда. Туринликлар 36 ёшли футболчини 60 миллион еврога қўйиб юборишга тайёр.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар