"Реал"ни финалларда фақат бир жамоа мағлуб эта олган

"Реал" Мадрид бугун тунда УЕФА Суперкубоги доирасида "Айнтрахт" билан куч синашди. Унда мадридликлар 2:0 ҳисобида рақибдан устун келди. 

Статистик маълумотларга кўра, бу "қироллик клуби"нинг 2014 йилдан бери иштирок этган 19-финали эди. Мадрид гранди ушбу финалларнинг 17 тасида ғалабани қўлга киритган. 

Фақатгина икки финал бой берилган. Бири 2014 йилда Испания Суперкубоги ва иккинчиси 2018 йилда УЕФА Суперкубоги. Қизиғи, икки баҳсда ҳам рақиб Мадриднинг бошқа бир клуби "Атлетико" бўлган.