“Реал”ни Клопп бошқарадиган бўляпти

Италиялик мутахассис Карло Анчелотти “Реал” билан Испания чемпионати, Европа Чемпионлар лигаси ва клублар ўртасидаги жаҳон чемпионатида ғолиб чиққанига қарамай, клуб раҳбарияти унинг ўрнига бошқа бош мураббий олиб келади.

El Nacional нашрининг маълум қилишича, мадридликлар ана шу мақсадда “Ливерпуль” устози Юрген Клоппга алоқага чиқди.

“Қироллик клуби” раҳбарияти ёзда жамоани бошқа мураббийга топширишни режалаштирмоқда. Номзод орасида Зинедин Зидан ва Юрген Клопп ҳам бор.

Мадридликлар 2015 йилдан бери “Ливерпуль”ни бошқараётган Клоппни Мадридга кўчиб ўтишга кўндириш учун Килиан Мбаппе ва Жуд Беллингемни трансферини амалга оширмоқчи эканини билдирди. Маълумки, германиялик мураббий замонавий футболнинг энг ёрқин юлдузларига айланган мана шу икки футболчи билан ишлашни орзу қилади.