"Реал"нинг дербидаги ғалабаси тарихга кирди!

Сешанба оқшомида "Реал" ўз майдонида "Атлетико"ни 2:1 ҳисобида мағлуб этиб, Чемпионлар Лигаси 1/8 босқичининг биринчи учрашувида ғалаба қозонди.

Opta маълумотларига кўра, бу ғалаба "Реал" учун Чемпионлар Лигаси ва Европа чемпионлари кубоги тарихидаги 300-ғалаба бўлди. Бунда саралаш босқичи учрашувлари ҳисобга олинмаган.

"Реал" ушбу мусобақаларда 300 та ғалабага эришган тарихдаги биринчи клуб бўлди. Иккинчи ўринда "Бавария" жойлашган, бироқ Мюнхен клуби анча орқада – уларда 237 ғалаба бор. 

Эслатиб ўтамиз, "Реал" Европанинг бош соврини – Чемпионлар Лигаси кубогини 15 марта қўлга киритган.