“Реал”нинг энг катта муаммоси айтилди

Футболчилик фаолияти давомида Италиянинг “Интер” ва Испаниянинг “Реал” клубларида ўйнаган нидерландиялик моҳир ярим ҳимоячи Уэсли Снейдер “Қироллик клуби”да юлдузлар тўпланиб қолгани ҳақида гапирди.

Собиқ футболчи “Мбаппе, Винисиус, Родриго, Беллингем ва бошқа юлдузлар жамлангани “Реал” учун муаммо эмасми?”, деган саволга қуйидагича жавоб берди.

- Агар уларни назоратда ушлаб турилмаса, муаммо келиб чиқиши эҳтимоли катта. Катта ўйинчиларга интизом ва назорат керак. Агар уларнинг бари жамоа учун ўйнаса, муаммо чиқмайди. Ҳаммаси клубдаги тизим ва бош мураббийга боғлиқ бўлади, - деди Уэсли Снейдер.

“Реал”ни тажрибали мутахассис Карло Анчелоттидан кейин янги авлод мураббийларидан ҳисобланган Хаби Алонсо қабул қилиб олди. Испаниялик ёш мураббий қўл остида мадридликлар ўзлари иштирок этадиган барча мусобақаларда бош соврин учун курашиши кутилмоқда.