"Реал"нинг Мбаппе борасидаги қарори ўзгарди

"Реал" ПСЖ ҳужумчиси Килиан Мбаппе билан шартнома имзолаш борасида музокараларни давом эттирмоқда. Бироқ, жараён "қироллик клуби" кутганидек кечмаяпти. Парижликлар раҳбарияти 170 миллион евролик таклифни ҳам рад этди. 

"Sky Sports" нашрининг ёзишича, "Реал" Мбаппе учун курашда танаффус қилмоқчи. Мадридликлар январгача кутиб, кейин унинг нархи пасайганда харид қилиш вариантини кўриб чиқмоқда. 

Маълумот учун, французнинг ПСЖ билан амалдаги шартномаси 2022 йилнинг ёзига қадар мўлжалланган. Жорий мавсум футболчи 3та ўйинда майдонга тушиб, 1та гол урди ва 2та голга ассистентлик қилди.