"Реал"нинг собиқ футболчиси "Барселона" устидан ғалаба қозониш учун мадридликларга нима етишмаганини айтди

"Реал" Мадрид клуби собиқ футболчиси Предраг Миятович "Барселона"га (0:0) қарши кечган сўнгги учрашувда жамоа ғалабаси учун Криштиану Роналду етишмаганини айтди.

“Менга биринчи марта Роналду сингари футболчи етишмади, гарчи бундайлар дунёда кам бўлсада. Ҳужумда шундай “қотил” бўлганида “Реал” ғалаба қозониши мумкин эди. Билмадим, “Реал”да “Барселона”ни “Камп Ноу”да енгиш учун яна шундай имконият бўладими ёки йўқ.

“Барселона”да Месси гол уролмаса, ўрнига Суарес бор. “Реал”да эса Бенземадан сўнг иккинчи тўпурар бу Рамос ҳисобланади. Бу мени ташвишлантиряпти”, - дейди Миятович.