"Реал"нинг собиқ мураббийи "Вильярреал"ни бошқариши мумкин

Яқинда Англиянинг "Вулверхэмптон" клубини тарк этган таниқли испаниялик мутахассис Хулен Лопетеги Ла Лигада ишлаш имкониятига эга, деб хабар беради "Todofichajes".

Манбага кўра, бир кун аввал Кике Сетьенни ишдан бўшатган "Вильярреал" Лопетеги хизматларига қизиқиш билдирмоқда. Томонлар ўртасида музокаралар ўтказилиши режалаштирилган.

Испания чемпионатида Лопетеги Мадриднинг "Реал", "Севиля" ва "Райо Вальекано"даги фаолияти билан танилган. Қолаверса, у Испания терма жамоасини ҳам бошқарган.

"Вильярреал" Ла Лиганинг янги мавсумини ёмон бошлади ва тўрт турдан кейин 15-ўринни эгаллаб турибди.