“Реал”нинг трансфер сири очилди

“Реал” моҳир ҳужумчига эҳтиёж сезмоқда. Чунки мутасаддилари 35 ёшли Карим Бенземага муносиб ўринбосар топиши керак.

Кўпчилик “Қироллик клуби”дан Килиан Мбаппе ёки Эрлинг Холанд трансферини кутмоқда. Бироқ мадридликлар бошқа ўйинчига кўз тиккан.

Fichajes нашрининг аниқлашича, Карло Анчелотти жамоасига “Байер” ҳужумчиси Мусса Диаби керак.

Мусса асосан ўнг қанот ҳужумчиси сифатида тўп тепади. Бундан ташқари, истеъдодли футболчи чап қанот ва ҳужумчи ортида ўйнай олади.

23 ёшли футболчининг трансфери 50 миллион еврога баҳоланмоқда.